Филми синамоии «Худои ҷанг» ба коргардонии Ҳусайн Доробӣ, панҷшанбеи 24-уми сентябр аз шабакаи Айфилм2 пахш мешавад. Ин филм бар пояи як рӯйдоди воқеӣ аз солҳои ҷанги Эрону Ироқ сохта шуда, бахше аз воқеаҳои муҳими он давраро ба тасвир мекашад.
Қиссаи филм ба рӯзҳои аввали ташаккули неруи мушакии Эрон бармегардад; даврае, ки маҳдудияти имконот ва шароити ҷангӣ истеҳсоли таҷҳизоти мушакиро ба як рисолати душвор табдил дода буд.
«Худои ҷанг» маҳсули соли 2024 буда, бори нахуст дар 43-юмин Ҷашнвораи филми Фаҷр ба намоиш гузошта шуд ва дар бахшҳои гуногун мавриди таваҷҷуҳ қарор гирифт. Филм ҳамчунин дар ҳамин ҷашнвора Симурғи булӯрини беҳтарин филм аз нигоҳи миллӣ ва Ҷоизаи вижаи Сардор шаҳид Сулаймониро ба даст овард.
Соъид Суҳайлӣ, Дориюш Кордон, Ҳусайн Сулаймонӣ, Паём Аҳмадиниё, Нодир Фаллоҳ, Кубро Гударзӣ, Сайид Маҳдӣ Ҳусайнӣ, Маҳдӣ Фариза, Дониёл Нурваш, Паймон Пурнекдаст ва чанде дигар аз ҳунарпешагон дар ин филм нақш офаридаанд.
Ривояти як рӯйдоди таърихӣ, фазои ҷангӣ ва талош барои ба даст овардани тавонмандиҳои фаннӣ дар шароити душвор, «Худои ҷанг»-ро ба филме табдил додааст, ки метавонад барои дӯстдорони синамои ҷангӣ, таърихи муосир ва қиссаҳои воқеӣ ҷолиб бошад.
Бар асоси ин гузориш, филми «Худои ҷанг» панҷшанбеи 24-уми сентябри 2026, соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе аз шабакаи Айфилм2 пахш мешавад.
